:: vBspiders Professional Network :: - حكم لحمايه ايميلك من الاختراق (بصراحه فيها شويه تهريج )

وصلني هذا المسج ع الامييل رح انقله لكم واي شي بالاحمر مكتوب بكون مني volcano

1. أولا:

ولا ممكن بأي شكل انك تعرف مين عملّك بلوك ع المسنجر مستحييل.. لأنو في اتفاقية ترخيص للمسنجر بتمنع هالشي.. و مهما وصلك ايميلات انو عريف مين عاملك بلوك, بكون هالشي كزب و دعاية

فعلا اغلب الايميلات والاجهزه اخترقت باول خدعه

2. تانياً..

مستحيل يتهكر ايميلك الهوتميل, أو الياهوو أو الفيسبوك، لأنو المسؤولين عن هي الإيميلات شركات كتير كبيرة و قوية, و معادلات التشفير اللي عم تطلع, بدها سنين لحتى تقدر تفك كلمة سر وحدة، و اذا ما كان الشخص يللي مهكرلك اخو اختو.. أو انت غلطان و فاتح ايميل ما لازم تفتحو.. مستحيل يعني يتهكر.

هو قصده انا نخترق الايميل من خلال شركه هوتميل
بقله لاشيء مستحيل لكن حاليا شبه مستحيل هههه

3. تالتاً..

مستحيل شركة مايكروسوفت تلغي خدمة الهوتميل, لأنو هي الخدمة معيشتها, فإياكن تسدقو انو ممكن يتسكر ايميلك الهوتميل، مايكروسوفت شركة منافسة لشركات كبيرة متل غووغل و ياهوو, و مستحيل تلغي خدمتها الأقوى و الاكثر منافسة بين الشركات.

هههههههههههههه
وربي صاحب لي اخترق ايميل ثلاثي بهاي الكذبه فعل ايميلك بلاش يتسكر
الله بعين

4. ًرابعا,

اذا ملاقي الانترنت مو عاجبتك شكلها, غيّر المتصفح تبعك للفايرفوكس او ع الأقل اكسبلورر تمانة, لأنك معفّن و لسا عم تستخدم اكسبلورر ستة.. يا معفّن.
اذا ما بتعرف شو يعني فايرفوكس او سفاري او كروم, هي متصفحات انترنت (برامج) مهمتها انو تعرضلك صفحات النت، متل الوورد مثلا يللي مهمتو يكتب النصوص و يعالجها..
اتوجه فورا إلى يا للذكاء وضع هنا رابط ملغوم :D ا

لا تعليق فخ للاغبياء

5. ًخامسا..

قسما بالله يللي بسمعو من هون و رايح عم يقللي انو ايميلو الهوتميل اتهكر لأنو في واحد فطحل بالانترنت هكّرلو.. بأفا ايدي ع خلقتو.. لأنو مهما كان فطحل.. فهاد الشي مو مهم.. المشكلة فيك انت لانك حاطط كلمة سر هيي اسمك و يوم ميلادك فغيرهن هلأ و ما تحط كلمة سر من الواحد للتسعة يا فهمان, او تحط اسمك و بعدين كم رقم.. لأنو يللي بدو يقصد يحزر الكلمة, مستعد يجرب 200 خيار لحتى يلاقي الكلمة.. و عملتها أنا من قبل و جربت اكتر من 250 احتمال, ووصلت لكلمة سر احدى الشخصيات.

هههههههههههه
زكرني بايميل الياهو اول ايميل عملته

6. ًسادسا..

لما تروح ع الكافيه نت, اتأكد انك عملت تسجيل خروج, و لا تسجل كوكيز ع جهازك, يعني بعد ما تخلص من مسنجرك, عميل تسجيل خروج و سكر المسنجر, أو اذا فاتح ايميلك او الفيسبوك أو اي شي.. اتاكد من تسجيل الخروج, لأنو مجرد تسكير الصفحة ما بيعني انك طلعت من الموقع, لأنو في ملفات بتنزل ع جهازك بتحفظلك دخولك لمدة معينة اسمها مدة الجلسة.

حلو :s

7. ًسابعا..

لما بتضيفك بنت ع الفيسبوك, ما عندها غير صورة وحدة, هي بتكون شركة عم تحاول تجمع 5000 عضو مشان تبعت دعايات لا تسدق انها بنت و تصير تبعتلها, شكرا ع الإضافة.

هههههههههههههه
هاي معاه حق فيها
انا عملت هذا الاسلوب اضفت حوالي 700 شخص ع الفيس بوك وتقريبا كلهم اخترقناهم
والسبب انهم بدهم يتعرفو ع بنات
طبعا الصور يلي وضعناها لبنت من الاخر فايعه اجنبيه
مش داخل عقلي كيف الاغبياء ما اكتشفو

8. ًثامنا..

لا تسدق و تبعت الإيميل لعشر اشخاص بعدين تكبس اف ستة، لانو اف ستة, بتنقلك لشريط العنوان و بس, بكل المتصفحات.. و ما بتطالعلك اسم حبيبك ابدا..

هههههههههه هاي ملهاش بالاختراق بتدل ع غباء العقول النيره

9. ًتاسعا.. :

حياتك مو متوقفة عند بعت ايميل، فإذا ما بعتو شي مسج ما رح تموتو ولا رح ينشل ابن عمكن ولا رح تنهار البناية عليكن ... ورئيس الأرجنتين ما مات لأنو أهمل رسالة العدرا لأبنائها .....

وكانه بقول للي بكتب ارسلها لكل اصدقائق (الاخ واقف مع هاي الحركه وانا بكرهاا )

10. ًعاشرا.. :

ما رح يصير معكن سرطان من الديودوران ..ولا رح يهر شعركن من الشامبو .. والكولا صحيح بتفتح البلاليع بس صالحة للاستخدام البشري ........ يعني الليمون بيهري البلاط بس ما بموتنا ..

هههههههههه

قويه والله

يسلمو ع صاحب المسج هههههههههههه

حبينا ننقله لكم خليكم تحششو وتستفيدو