[Style] : هدية الموسم ، مرسومه بالمرسم [ استايلين رمضانية ] .. ياتلحق عليها ياتقشّر بصل !

[support]

عمي ناصر دايم يقول لي : إذا تبي الناس تحبك خلك كريم ،،
وولد عمتي حمد يقول لي : إذا تبي تصير كريم امشْ معي !

النتيجه : اني مشيت مع حمد وماصرت كريم . بس ابشركم آلحين تبت

رمضان شهر الخير ، وكل يوم يروح من صفحتنا شوي .. معناها أن حنا تقدمنا خطوتين قدّام لمحل السنبوسه وفوّال غوّار !

30 يوم نبي نشرطنها ونلفّها بميزاننا ، عاد ياعمل يفتح النفس ويبيّض الوجه والا فعلن شين يصبّ في سيئاتنا ،، !

هالسنة أحسّه غير . مدري يمكن عشان ابوي شال التلفزيون وباعه بالحراج قبل اسبوع . يقول رمضان مايصلح فيه تلفزيون !

المشكلة انه ساحبن قبل اسبوع سلك من جارنا ومدخّله بغرفته . شوف عيني قسم بالله شايفن السلك ومدخّله مع دريشته . لا ويموّه علينا . حاطن لون السلك ابيض عشان مانشوفه زين . ألا ياللي خليتك بعد تتهنا والناس تصلي التراويح

تصدقون ودي اصلي هالتراويح عند غير إمامنا . ودي انوّع واسع صوت فيه صوت غُنّه ،
اربع سنين ماقد صليت عند غير شايبنا اللي بالمسجد . والله ياهو يمسّ بعد
مرّة تأخّر علينا بصلاة القيام وانهبلو الجماعة يحسبونه مات عشانه كبير وقارب عمره للـ 80 .. يتفتف الله يحييه على طاعته

قام مطوّع من الجماعة وصلى بنا بداله . ويوم قضينا آلاه توّه داخل . عيونه طايرتن فوق وجسمه مترهّل وعظامه مندقّه ،

منلخم الضعيّف يوم سألوه الجماعة وش فيك ،
طبعاً زحلقهم . ويوم جا عقب اسبوع اكتشفنا يالجماعة انه دافّن له الليلة اللي قبلها حبه ونصّ فياقرا ولعبت باعصابه وارتفع عليه الضغط والسكر ورقدوه ليله بالمستشفى ثم صرّفوه يوم شافوه كل نصّ عيشتهم بالفطور والسحور ،
ماقد شاف عيشه الضعيّف

عاد وش اللي حاده ياكل من ذا الحبوب المستنكره بشهر رمضان ، لا وإمام بعد ، صدز لاقالو : شايب لاتحقره

.

عاد ماودي ان هالشايب يعطلني عن حتسيي هنا ،
وانتم ناس تبون تعرفون وش العلم .
واخبركم ناسن تقدرون شي اسمه " هديه " .
اعنبو بليسكم مليت وانا اهديكم من كومة هالهدايا . وماقد جاني احد واهداني شي إلا قرم . مرة اهداني الوصخ " ميدالية في كرتونها "
يوم رحت بها للبيت مبسوط اكتشفت ان تحت الكرتون استكر صغير نسى يشيله الوصخ مكتوب عليه " هذه الهدية مقدمة من مجموعة هرفي للأغذية "
اثاريه الحقير شاري وجبه منهم ودفوّه بهالهديه وابتلش بها وحطها بظهري

هديتنا الرمضانية هالسنة غيييير

.

.

استايلين مجّانية لكل منتديات النت

طبعاً العمل اشتغل عليه فريق التطوير معنا في كواليس .
جهد مميز يشكرون عليه وعمل فاق الروعة بصراحة ~

العمل إهداء للمنتديات تبعاً للعمل الأول : || كواليس كَريم .. والمنتديات الثانية تستاهل ~ ||

الاستايلين " الأول مُتمدد والثاني ثابت "
وبأكثر من نُسخة !

1

متمدد [ رمادي اللون ]

- نموذج -



استايل نسخه 3.7.3

- للتحميل اضغط هُنا -

استايل نسخه 3.8.3

- للتحميل اضغط هُنا -

.

.

2

ثابت ، ذو أعمِده جانبيه ثابته [ سماوي اللون ]

- نموذج -



استايل نسخه 3.7.3

- للتحميل اضغط هُنا -

استايل نسخه 3.8.3

- للتحميل اضغط هُنا -


.
.

كل الشكر لفريق التطوير . وكل الشكر للمصممة : عزف الحرمان .

فريق التطوير بمنتديات كواليس :

و1حد ثاني
bnt tamim
Mz Mz
A7la ~
ahmad.z
زي السُكر !
صمت الحنين
في ـصمتيـ ألمـ .!
قمرآي
عزف الحرمان

.

.

اللي يعرف احد راعي منتدى يعطيه رابط هالموضوع غدي منتداه يتلاصف بشهر رمضان

* تنبيه كبر قريح : ياويل من يشيل حقوق منتدانا من الاستايل . ترانا مانحلله ومانبيحه ويمكن بعد نفرشه لين يعضّ الخد إذا شفناه ناوي نيّتن شينه فيه

- عن اذنكم ، بروح الفّ سمبوسه قبل يعلنون دخولية الشهر

فوتكم بعافية


موقع ومنتديات كواليس
www.coalles.com/vb


- شكراً معهد ترايدنت
- شكراً لصاحب المُعرّف " طيب الفال " اخوي : سلمان

- اخوكم ، مدمن شاهي

المصدر: :: vBspiders Professional Network ::

---

FStyleD : i]dm hgl,sl K lvs,li fhglvsl F hsjhdgdk vlqhkdm D >> dhjgpr ugdih dhjra~v fwg !

[KaLa$nikoV]

شكرا لك بارك الله فيك
واصل ابداعك