:: vBspiders Professional Network :: - عرض مشاركة واحدة

Cyber Code · 10-03-2011, 05:30 AM

منور .. بس قبل اي شيء حاب اقلك شيء بسيط

اقتباس


	ولو إنت عضو عادي ،، كنت بتشوف كل عضو رد عليك واثنى عليك وعلى موضوعك كنت بتشوفه يرد مثل هذا الرد

وقت ماحطيت الموضوع اصلا ماكنت ادارة , مثلي مثل باقي الناس . وفيك تشوف ردود الي قبلك اتوقع واحد معاه نفس وجهة نضرك وشوف لوين وقفنا , كمان :

اقتباس


	ووالله لو واحد اخترق موقع عربي مسالم ماكنا بنشوف كل هذي الانتقادات عليه

اقتباس


	بدال ما تنفر الناس من اختراق مواقع الكفار ؟؟

انت شو شايفني قدامك ؟ اتقي ربك شوية احنا حاطين قانون منع منعاً باتاً اختراق المواقع العربيه بداخل الشبكه بكلها . اضافه الموضوع عباره عن رسالة مني من وجهة نضر لي شخصياً والي حاب يمشي فيها اهلا وسهلا والي مو حاب بكيفه وفي الأخير تصفح القسم تلاقي ناس مخترقه وين المشكله يعني؟ . على العموم ما اتوقع وصلتك فكرتي مثل ما اريدها ولا اتوقع تعرف تفكير الهكر العرب ؟
اذا ماتعرفهم هم الي يخترقو نفاق باسم الدين , وفي قلبهم ودي الناس يتكلمو عني ودي البنات يرقموني ويضيفوني
هم الي جايين على مواقع عشوائيه وكاتب فيه قصة حياته وانه جنسي والموقع ماله دخل في كل هذي الامور
هم الي يخترقو موقع بسبب المحتوى الاباحي وهم مداومين 24 ساعه على المواقع الاباحيه
هم الي يخترقو موقع فاسد يتركو المحتوى مثل ماهو ويضعو فقط اندكس
هم الي يخترقو موقع اغاني وكاتبين لا اله إلا الله توب إلى الله وفي الاندكس اغنيه راب وحاط رقم جواله وشعر حب وغزل
هم الي جايين على مواقع عشوائيه ربك يعلم بجنسيتها وحاطين انها غصب اسرائيليه وصدقني راح تلقى اكثر , وفيك تبحث وتشوف ..

نرجع لموضوعنا :

اقتباس


	طيب تعتقد إنت ان الاجنبي او الاسرائيلي يقول i love aslam هم يقولوا اكثر من الي نقوله نحن والله سب اهانه وقتل وتشريد ،، والي يحصل في فلطسين دليل من ارض الواقع

لا ما اعتقد طول ما العرب يخربو مواقعهم السلميه المفيده تحت شعار الأسلام
مثل الي يخرب مدرسة او شركة ويكسر ابوها ويقول لهم الاسلام دين الحق .

اعتبر الموقع المسالم عباره عن مكتبة مسالمه
انت الان في الهند ليش ماتروح تحرق المكاتب هناك وقول لهم الأسلام دين الحق؟ ايش تتوقع ردة فعلهم ؟ بيقلك ايه والله حق او يسبوك انت وكل الي تتكلم عليه وقتها؟ هذي فكرتي الي حاب اوضحها .

اقتباس


	يعني الله يهديك ياخوي ،، إنت مافكرت في شيوخنا ونساءنا واطفالنا في الي يقتلون في غزه كل يوم ، بلا رحمه ولا شفقه فكرت في المعاقين والمرضى الاسرائيلين اذا هم يقتلوننا ويهتكون اعراضنا ويستحيون نساءنا ويحتلون اراضينا بعد نفكر فيهم ونقول حرام اذا اخترقنا موقعهم ؟؟ عجباُ لآمرك ...! على الاقل تسوي هالشي ،، علشان يعرفون انه العرب كلهم واقفين مع غزه واقفين مع الام التي تبكي بسبب موت ابنها

لاتقول مافكرت هذي اشياء حاطها نصب عيني قبل كل شيء , والله يلعن كل الصهاينه بجميع اشكالهم استثناء المسلم الغير مستوطن منهم .

ملاحضه صغيره :
انا ماحرمت ولا حللت لانه مالي حق , إضافه لاتخلط بين الصهيوني والاجنبي والعربي ؟!
لما اقول اجنبي ما اقصد فيها ابداً اسرائيلي فيكون ببالك هذا الشيء , واكيد لما بقول لاحد اختراق موقع فلاني مسالم غلط , فهو يشمل اجانب وعرب بشكل عام !

في محور موضوعي تكلمت عن عدم توصيل رسالة الأسلام بطريقة خاطئه .. ومازال هذا احد اسباب الي كتبت فيها الموضوع .

اقتباس


	ههههههههههههههه يعني تتوقع إنهم يحبون الاسلام ؟؟ قال تعالى ( ولن ترضى عنك اليهود ولا النصارى حتى تتبع ملتهم ) كيف تقصد انه يدعم قضية المسلمين ؟؟ ياحبيبي الكفار لعنة الله عليهم ،، ايدهم وحده وتفكيرهم واحد مو مثلي ولا مثلك اذا طرحنا موضوع ضد الكفار كل واحد نلقى انتقادات مالها اول ولا اخر هيييييييييه نحن نحن ارهابين ؟؟ اذا اعتبروا الجهاد ارهاب اذا اعتبروا المراءة الي تلبس حجابها ارهاب اذا اعتبروا تقصير الثياب ارهاب اذا اعتبروا عف اللحى ارهاب فانه اقولها بملئ فمممممممممي >>>>> نحن أرهابين فلا نامت اعين الجبناء اذا مانكــون ارهابين وش تبينا نكــون (( انبطاحين )) مثلاُ ؟؟؟

يبقى كيف في اجانب مسلمين ؟ لو مشينا على كلامك انه كل الاجانب مثل ماشملتهم انت مامن ابوهم خير وكلهم مافي فائده منهم ؟

على العموم انا مو جاي ادافع عنهم , وانا ضدهم بكل شيء عاملينه ضد الدين والمسلمين بشكل عام
بس في هذا الموضوع انا جاي اقول ارتقو بمستوى التفكير .. دائماً ممكن يكون في خيار سلمي افضل من الخيار الحالي ؟

اقتباس


	ونحن مامسكنا بايد حد وجرينا جر علشان يسلم لالا الله الغني

هذا الي انت تقوله , طيب فسرلي ايش يعني يروح اي هكر يدخل موقع عشوائي ومحتواه مافيه اي شيء غلط ,وجاي معطل الموقع وحاط لك مثل ماوضحت فوق وكاتب الاسلام دين الحق ويتكلم فيه عن الاسلام ونهاية الاندكس فك يو ادمن ! . ( هذا مثال فقط من كثير)
وحتى لو فيه غلط الاخ ماجا يسمعك اغانيه غصب عنك؟ واتوقع له الحريه فيه دام ديانته ماحرمت , وحتى اذا حرمت هو وربه يتحاسبو , واذا ناوي تنصحه انصحه مو تخرب موقعه ؟ انت بهذا تغصبه على شيء باسلوب تخريبي .

اقتباس


	طيب إنت تؤمن بانه فلسطين دوله عربيه ودوله مسلمه ؟؟ إنت تؤمن بهذا الايه (( سبحان الذي أسرى بعبده ليلاً من المسجد الحرام إلى المسجد الأقصى الذي باركنا حوله لنريه من آياتنا إنه هو السميع البصير« )) تؤمن بان مسجد الاقصى اولى القبلتين تؤمن بان الصلاة في مسجد الاقصى افضل من 500 صلاة في المساجد التي دونها تؤمن بهذا القول عن الرسول ا تشد الرحال إلا إلى ثلاثة مساجد: المسجد الحرام ومسجدي هذا، والمسجد الأقصى طيب برافو عليك ،، اذا تؤمن بهذي الاشياء كلها ليه ماتخلي هذي الايه شعارك ( فمن اعتدى عليكم ... وتروح تجاهد لتحرير مسجد الاقصى ؟؟ بدال ما تنفر الناس من اختراق مواقع الكفار ؟؟

اما هنا فكلامك متناقد نوعاً ما , يعني انت جاي تقلي نروح نجاهد بدال مانخترق
ليش مايجهادو الي تدافع عنهم الي يالله يعرف جهة القبلة ؟
طبعاً أؤمن ومافيها نقاش , وإذا ربك كتب ليا الجهاد فانا اول واحد إن شاء الله .

اقتباس


	وليش ما ذاك اليهودي الكافر المغتصب يتخيل نفسه مكان الام الي يقتل ابناءها ليش ما يتخيل نفسه مكان الاب الي يقتل ابناء ليش ما يتخيل نفسه مكان هذا الي يحتل اراضي وليش وليش وليش ؟؟

مرى اخرى بقول لك لاتخلط بين الصهيوني اليهودي مع الاجانب وركز في محتوى الموضوع ..

اخيراً راجع ردودي السابقة في هذا الموضوع اتوقع تكمله كامله لهذا الرد .

شكراً لك

وفي أمان وحفظ الرحمن